(ВИДЕО) Успорената снимка на работата на моторот е најдоброто што ќе го видите денес

Моторот со внатрешно согорување е страшна работа која и денес, по повеќе од 100. години, подеднакво го фасцинира секој љубител на автомобили.
Моторот со внатрешно согорување е исклучително сложен уред кој е способен да го претвори течното гориво во употреблива работа, ротационо движење што го придвижува, го движи и ќе го вози современиот свет во годините што доаѓаат. Сепак, најинтересниот дел од моторот, каде што се случува таа магија, отсекогаш бил сокриен од погледите.
Сега, благодарение на каналот на YouTube, TROdesigns, можеме да бидеме сведоци на прекрасен момент на палење на мешавината на гориво, но и на целиот процес во четири основни потези, и тоа на мотор на „Хонда“ од 1977. година. Единствениот оригинален дел што заменет е цилиндерот, а местото го отстапил на транспарентен акрилен кубус со цилиндар во средината. Клипот беше дополнително обработен за да се минимизира ударот врз ѕидовите на „новиот“ цилиндар, а односот на компресија беше намален на 8,7:1 со продолжување на цилиндерот. Ова му овозможува на моторот да работи подолго пред да се оштети. Исто така, клипните прстени се направени од тефлон за да го одржуваат триењето што е можно помало.


А тоа што го гледате не се гледа често. Сликата со 4К резолуција обезбедува детален преглед на сите четири циклуси на кружниот термодинамички процес. Успорената снимка детално ги прикажува сите фази од кружниот процес, вклучувајќи ги капките гориво, искри на свеќичките и издувните гасови. Со оглед на тоа дека проѕирниот цилиндар ги издржува оптоварувањата, би било многу забавно да се видат вакви перформанси и на мотоцикл.

Фото: Принтскрин/YouTube


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Samsung Galaxy Z Fold6 и Z Flip6 ja носат Galaxy AI на ново ниво

Samsung Electronics денеска ги претстави новите Galaxy Z Fold6 и Galaxy Z Flip6, како и …