САД: Тејлор Смит (19) се договорила и ја признала вината. Осудена е на два дена затвор и 38. дена општествено корисна работа. Таа на 7. август минатата година ја турнала пријателката (16) од 18. метри висок мост.
Девојка (19) која на суд признала дека на 7. август минатата година турнала 16. годишна пријателка од мост висок 18. метри над Мултон водопадите на реката Луис во градот Јакол во Вашингтон (САД) се расплакала во судницата откако ја слушнала пресудата. Имено,
осудена е на два дена затвор и 38. дена општествено корисна работа, јавува Daily Mail.
Судијата при изрекувањето на пресудата, во средата, рекол дека на 19. годишната Тејлор Смит и треба малку затвор со оглед на сериозните повреди со кои се здобила Џордан Холгерсон. Тејлор Смит порано овој месец ја признала вината според договорот кој го направила со обвинителството.
https://youtu.be/hxoxwM6-2Fk
Видеото кое е објавено на Јутјуб јасно покажува како Холгерсон е турната од мостот. Завршила во болница со пет скршени ребра и пробиени бели дробови.
Во средата на суд рекла дека сеуште се бори со физичка рехабилитација, болки, анксиозност и напади на паника. За време на својата изјава се расплакала во судницата. Рекла дека била вџашена кога била турната и дека мислела дека ќе умре.
„Денеска сме среќни што е жива. Мене и моето семејство ова не чинеше многу солзи, а да не зборувам за стресот и грижата“, рекла нејзината мајка Генел Холгерсон.
Тејлор Смит на суд и се извинила на Холгерсон. Рекла дека цело време е во нејзините мисли и дека ќе продолжи да прави се’ што може за да го исправи она што го направила. Се расплакала кога на излегување од судницата и ставиле лисици.