ekran платформа за слободоумни
Од експлозијата што одекна во Бејрут, секој ден на социјалните медиуми можат да се видат шокантни сцени. Една од нив е онаа на невестата Исра Себлани, која, во моментот на ужасната експлозија, позирала за нејзините свадбени фотографии.
Оваа млада девојка позираше со широка насмевка, а потоа се случил страшен тресок. Нејзиниот фустан и букет буквално, одлетале, во тој момент, а камерата го фатила чадот и околината уништена од силната детонација.
Видеото го снимил и моментот кога невестата и младоженецот почнале да бегаат од улицата, која била покриена со урнатини и чад. Себлани, американска лекарка, кој пристигнала во градот неколку недели пред свадбата, му помогна на повредениот човек пред да избега на плоштадот Саифи во Бејрут, пишува Gurdian.
Два дена по експлозијата, таа и нејзиниот сопруг, 34-годишниот бизнисмен Ахмад Субеих, сè уште се обидуваат да се опорават од шокот.
„Две недели се подготвував за мојот голем ден и бев толку среќна како и сите други девојки: ‘Се мажам’. Моите родители ќе бидат толку среќни кога ќе ме видат во бел фустан, ќе изгледам како принцеза“, изјавила таа.
„Она што се случи за време на експлозијата не може да се опише со зборови. Бев во шок, се прашував што се случи, дали ќе умрам? Како ќе умрам?“, додала таа.
Субеих исто така се присетил на моментот на експлозијата, за која најверојатната причина била складирањето на хемикалијата амониум нитрат во магацини на пристаништето во Бејрут.
„Почнавме да одиме наоколу, јас бев крајно тажен, не може да се опише разорувањето и звукот на експлозијата. Сè уште сме во шок. Никогаш не сум слушнал звук како таа експлозија“, рекол тој.
По експлозијата, тие се обиделе да се смират и да продолжат со прославата.
„Мојот сопруг ми рече да продолжиме, дека не можеме да запреме. Мислев зошто не. Едноставно, не го живеев моментот, тоа беше само лице, усни што се насмевнуваат, но тоа е се. Потоа отидовме на вечера“, изјавила таа.
A bride captured shooting her wedding photos moments before the explosions. Disturbing!!
#PrayForLebanon #Beirut pic.twitter.com/sLN8rXLFZg
— KwesiHornsby (@Iamhornsby) August 5, 2020
Нејзиниот сопруг се сеќава на моментот кога влегле во оштетен хотел во средата за да ги земат своите работи и пасоши.
„Сцената во просторијата беше неверојатна“, рекол младоженецот, кој чека виза во Соединетите држави за да и се придружи на сопругата.
Себлани го сака Либан, но смета дека по експлозијата, животот таму повеќе не е опција.
