ekran платформа за слободоумни
Видеото што покажува дете од Кина од глава до пети во бел скафандер, кое носи ранец со големина на половина од телото и шета по ходникот во болницата, натажило милиони луѓе на социјалните мрежи.
-За жал, четиригодишно момче е заразено со корона вирус. Нема родители во придружба. Оди сам во карантин – пишува во описот на видеото на Твитер.
– Ме боли срцето – е еден од коментарите на „Weib“, кинеска платформа слична на Твитер.
Друг корисник напишал дека неговите „очи се насолзиле“.
莆田4岁无症状感染者被单独隔离、拉去做CT，这对小孩身心的伤害比病毒大多了，没有人性。 pic.twitter.com/bXDRKqFtNr
— 方舟子 (@fangshimin) September 14, 2021
Видеото, пишува Си-Ен-Ен, служи како силен потсетник за цената на нултата политика на Кина кон вирусот корона, што и помогнала на земјата да го потисне новата масовна појава на вирусот.
Инструкциите за тоа како да се елиминира вирусот се состојат во ставање во изолација на цели населби, тестирање на милиони жители за неколку дена и брзо изолирање на заразените луѓе и нивните блиски контакти во назначени објекти.
Овој пат, беа применети строги мерки за учениците – меѓу кои епидемијата беше откриена за прв пат и брзо се прошири.
Според владините податоци, 57 од 129 пријавени случаи во Путија се под 12 години. Со цел да се спречи понатамошно пренесување, заразените деца кои одат во градинка се одделуваат од родителите и се ставаат во болничка изолација.
На прес-конференција во четвртокот, владата на Путин се оправда со кинеските правила за контрола на епидемијата. Но, како што беше кажано, ако и детето и нивните родители се заразени, болницата ќе се обиде да ги лекува во исто одделение.
Првично, децата кои дошле во контакт со заразените, но тестот бил негативен, исто така, биле ставени во карантин без родители.
Таа политика подоцна беше олабавена, така што на децата под 14-годишна возраст им е дозволено да останат со своите родители или други членови на семејството во карантин, но изолацијата за заразените деца останува во сила.
Зу Киакинг, медицинска сестра која го снимила видеото во болницата, за локалните весници изјавила дека нејзините очи биле полни со солзи кога видела како возило на брза помош пристигнува полно со деца.
Таа рекла дека дошле доцна, бидејќи детето не сакало да излезе од дома и плачело два часа пред да го принудат да влезе во брза помош.
На децата по пристигнувањето им бил направен CT. Некои биле толку малечки што не можеле сами да се качат на масата за скенирање, па докторот морал да ги подигне, рекла Зу.
– Гледајќи мали деца сами, без родители, срцето ме заболе – додала таа.
На Вајб, некои се прашуваа зошто таквите мали деца не можат да бидат придружени од нивните родители. Други изјавиле дека нивните родители веројатно биле сместени во централен карантин како блиски контакти на заразените.
Јин Донгјанг, вирусолог на Универзитетот во Хонг Конг, рекол дека децата не требало да бидат подложени на такви екстремни мерки на изолација.
– Тоа е социјалната цена на пристапот за нулта толеранција – заклучил тој.
Фото: Принтскрин/Twitter/@fangshimin
