ekran платформа за слободоумни
Претставата „Мој термин“ по мотивите на Лорен Бафи и Висенте Виљануева, во режија на Синиша Евтимов, а во продукција на Македонскиот народен театар, ќе гостува на Меѓународниот фестивал на комедијата „Гола месечина“.
Фестивалот се одржува под отворено небо во општина Аеродром од 15. до 19. септември и согласно со сите утврдени протоколи за заштита од КОВИД-19.
Оваа пиеса отвора многу прашања, а одговорите остануваат на публиката на 18. септември со почеток во 21:00 часот. Покрај изведбата на „Мој термин“ во програмата се опфатени и четири претстави од македонски продукции.
Во претставата игра веќе добро познатата актерска екипа: Јордан Симонов — Филип; Тања Кочовска — Бела; Оливер Митковски — Ото; Николина Кујача — Воскресија; Александар Микиќ — Столе; Сашка Димитровска — Лилјана и Александар Михајловски — Силва.
Фотго: МНТ
