(ВИДЕО) Канал 5: Детското шоу „Тинтири минтири“ секоја недела во 11. часот

Од недела, 7. јануари па секоја следна во 11. часот на фреквенцијата на Канал 5 телевизија ќе се емитува домашното детско шоу “Тинтири минтири”.
Емисијата е во продукција на Аурипигмент и Тинтири Минтири, филмско училиште кое ги детектира и активира креативните потенцијали на децата преку глумење, изработка на играни и анимирани филмови, радио драми, креативно пишување, од почеток до финален производ.

Тинтири Минтири за повеќе генерации деца е место каде што можат да го искажат уметничкиот талент, да се социјализираат со врсниците, но и да научат практични вештини кои ќе им користат во животот дури и ако одлучат да не го следат патот на филмската уметност во понатамошното образување.