ekran платформа за слободоумни
Американските, британските и француските сили со воздушни напади ја погодија Сирија, рано утрово, како одговор на нападот со хемиското оружје ви кое минатата недела во сирискиот град Дума се убиени десетици луѓе, додека Русија порачала дека нападот нема да мине без последици…
Американскиот претседател Доналд Трамп, доцна вечерата, во петокот, објавил дека акцијата е изведена. Додека говорел експлозии го потресле Дамаск.
Трамп рекол дека е подготвен да ја поддржи акцијата се’ додека владата на Асад не престане да користи хемиско оружје.
Нападот на Сирија е најголема интервенција на западните сили против Асад во седумгодишната војна во таа земја.
Русија во Сирија интервенирала во 2015. година, на страната на Асад.
„На воорушените сили на САД им наредив да покренат прецизни напади кон целите поврзани со капацитетите за хемиско оружје на сирискиот диктатор Башар ал Асад“ рекол Трамп на телевизија, од Белата куќа.
Syria's surface-to-air missiles counter US-led strikes (VIDEO) https://t.co/fojVfXB8Q8 pic.twitter.com/6gLg6aaBOz
— RT (@RT_com) April 14, 2018
Трамп изјавил дека наредил прецизни удари, како одговор на нападот со хемиско оружје во кое минатата недела беа убиени најмалку 60. луѓе.
Американскиот министер за одбрана,Џејмс Матис, пак изјавил дека воздушните напади на цели во Сирија се изведени за да се испрати силна порака на сирискиот претседател Башар ал Асад.
Меј: Станува збор за промена на сирискиот режим
Британскта премиерка Тереса Меј и францускиот претседател Емануел Макрон изјавиле дека Велика Британија и Франција се придружиле на нападот.
As surface-to-air missiles lights up the sky over Damascus, Syria, poor snowflakes are confused – they don't know if they should support the President or defend Putin… their tiny brain just can't understand whats going on or how to react. pic.twitter.com/jjlX3qiGCp
— Democrats for Trump (@YoungDems4Trump) April 14, 2018
Макрон рекол дека нападот до сега е ограничен на сириските ресурси за хемиско оружје. Додал и дека одговорноста на сирискиот режим за хемискиот напад не се става во прашање.
Тереса Меј соопштила дека ги овластила британските сили за спроведување напад над Сирија и дека не станува збор за интервенција во граѓанска војна туку за промена на сирискиот режим.
Сирија: Ако не продолжи, нападот е ограничен
Американскиот напад на Сирија ќе се смета за ограничен, ако е завршен и ако нема да има друг круг на удари, рекол, за Ројтерс, висок службеник во регионалниот сојуз кој во сириската војна го поддржал претседателот Асад.
Сириските медиуми пак нападот под водство на САД го нарекле кршење на меѓународното право и известиле дека нападот целел кон воените магацини на подрачјето на Хомс.
Антонов: Ќе има последици од воени удари
Рускиот амбасадор во САД, Анатолиј Антонов предупредил,во сабота наутро, дека ќе има последици поради воените удари на Сирија предводени од САД и истакнал дека не било прифатливо да се навреди рускиот претседател.
„Да се навреди претседателот на Русија е неприфатливо и недозволено. САД е сопственик на најголемиот арсенал на хемиско оружје – нема морално право да обвинува друга земја“, рекол Антонов.
„САД и нејзините сојузници ја нападнаа Сирија во моментот кога во таа земја имаше шанси за мир“, изјавила утрово службената претставничка на МНР на Русија,Мариа Захарова на својата Фејсбук страница, а пренесува агенцијата ТАСС.
