ekran платформа за слободоумни
Средношколецот Гуркан Озтурк, кој 63 часа по земјотресот беше спасен од под урната петкатница во турскиот град Хатај, со својот мобилен телефон ги снимил часовите што ги поминал под урнатините, јавува Anadolu Agency.
Озтурк (19) во моментот на земјотресот на 6 февруари бил во куќата на својот дедо во Антакија, каде што заминал да учи. Поради силен земјотрес зградата се урнала. Куќата на неговите родители, каде што биле неговиот татко, мајка и брат, не е оштетена.
Озтурк моментите поминати во малиот простор кој му овозможил да преживее ги забележал со својот мобилен телефон.
High school student who asked about his books after being rescued, filmed his days-long wait in the earthquake rubble
🔴 LIVE updates here: https://t.co/rjJzOvo2mE pic.twitter.com/BgPoZv4pyL
— ANADOLU AGENCY (@anadoluagency) February 12, 2023
Неговите први зборови на видеото, на кое се гледаат само неговата рака и шака во тесен простор покриен со урнатини, се: „Ме погоди земјотрес. Боже помогни ми, се надевам дека сите се добро. Не сакам да умрам млад”.
Во моментите кога ги почувствувал последователните потреси под урнатините, Озтурк рекол: „Пријатели, поминаа скоро 40 минути внатре, мислам дека успеав да направам празнина каде што ми се стапалата, ископав со врвот на раката и ја пополнив празнината со камења да не се урне. Одоздола чувствувам ладен воздух,мислам направив дупка низ која можам да дојдам до кислород. Да видиме дали ќе го преживееме земјотресов?Ако го преживеам овој земјотрес мислам дека повеќе ќе ги ценам работите во животот. Има уште многу луѓе кои ќе ги сакам. Ве сакам сите многу, посебно мама, тато, браќат. Не плашете се, се надевам дека не сте тажни. Не знам што се случува надвор, но се надевам дека нема да има големи проблеми. Веројатно нешто било со неколку стари згради“.
Со својот татко комуницирал удирајќи со камен во ѕидот
На видеата се гледа како младиот човек удира со камења во ѕидот и со железо за да го слушнат спасувачките екипи. Голема радост дошла кога го слушнал гласот на својот татко Ертугрул Озтурк.
Озтурк, кој со асистенција на татко му удирајќи со камења во ѕидот еднаш или двапати дал информации за неговата здравствена состојба и околината во која се наоѓа, со овој начин на комуникација значително им ја олеснил работата на спасувачките екипи, при што бил спасен по 63 часа.
62 saat sonra kurtuldu, ilk aklına gelen üniversite hazırlık kitapları oldu. 😢😢#gurkanozturk #hatay #deprem pic.twitter.com/vQhwkBEun4
— Amerikali Turkler (@Amerikaliturk) February 9, 2023
Друго видео, снимено за време на разговорот на Озтурк со болничарите во брзата помош, исто така стана вирално на социјалните мрежи. Откако бил извлечен од под урнатините, Озтурк им рекол на итната помош дека неговите книги се оставени под урнатините. Озтурк моментално престојува во домот на својот вујко во Адана.
„Се подготвив да чекам уште 2-3 дена“
Екипата на Анадолија го посетила во Адана, а во разговорот раскажал дека моментите под урнатините биле страшни. Тој раскажал дека во моментот на земјотресот го формирал таканаречениот „триаголник на животот“, кој многу веројатно му го спасил животот.
„Бев во урнатини. Не можев да слушнам звукот однадвор. Не можете да разберете дека врне веќе два дена. Можев да кажам по студениот воздух на ноќта. Си направив дупки за воздух. Кршев бетон 20-30 часа. Се подготвив да чекам уште 2-3 дена мислејќи дека нема да можат да ме најдат“.
„Фала му на Бога што имав телефон, спиев со главата на телефонот. Често губев свест, зборував сам со себе. Држев предавања како да има 45-50 луѓе со мене. Се обидов да стигнам до каменот кога Слушнав гласови надвор. Татко ми рече: Зборувај, удри со каменот еднаш ако си повреден, удри двапати ако не си. Тогаш тој ми рече: „Добро си?“ и јас удрив со каменот во железото покрај себе”.
Фото: Принтскрин/Twitter
