„Владимир Путин е редовно тестиран. Се е нормално“, рекол портпаролот на Кремљ, Дмитриј Песков.
Главниот лекар на московската болница за пациенти со коронавирус, кој се сретнал со Владимир Путин во установата минатата недела, денес изјавил дека е заразен, додека Кремљ веднаш објавил дека не треба да се грижат за претседателот на Русија.
„Владимир Путин е редовно тестиран. Се е нормално“, рекол портпаролот на Кремљ, Дмитриј Песков.
Докторот Денис Проченко изјавил дека е заразен, но дека нема загрижувачки симптоми.
„Тестот на КОВИД-19 е позитивен, но јас се чувствувам добро. Се изолирав и во мојата канцеларија ги имам сите услови за работа од далечина“, рекол рускиот лекар.
На 24 март, Путин (67) ја посети болницата „Комунарка“ во предградието на Москва. Оваа болница е главната установа во која се лекуваат пациенти со коронавирус.
Претседателот на Русија и докторот потоа се ракувале, заедно биле во лифтот и разговарале без заштитни маски.