Во понеделник на 11-ти декември 2023 година, од 11:00 часот во Центарот за култура “Ацо Шопов“ – Штип (голема сала), младата публика ќе има можност да ја проследи Театарската претстава за деца „Трнорушка“ на НУЦК „Трајко Прокопиев“ од Куманово.
Режија: Бојана Краљевска
Сценографија: Крсто Богојевски
Изработка на костими: Дарко Илиевски
Играат: Нина Максимова, Марко Трајковиќ, Сања Русеска, Владанка Димковска, Жарко Јовановиќ, Давид Илиќ.
Како една од најстарите уметнички форми, бајката e потреба низ сон, мечтаење, имагинација да се наткрили животот. Таа со својот јасен и цврст етички кодекс (борба за добро, правда, еднаквост, љубов) ни открива и подвлекува некои суштински животни вредности.
Бајката на сцена не толкува, објаснува, ниту докажува, туку повеќе потшепнува и предизвикува, запрашува и провоцира и, оддалечувајќи нè од животот, ни зборува за животот. Таква е и нашата „Трнорушка“
Цената на билетот изнесува 150 денари.