ekran платформа за слободоумни
Кога нејзиниот син минатата недела се вратил во виртуелно училиште, Џејн Комбс го видела како се бори.
Момчето кое оди во градинка во училиште во округот Ковета, Џорџија, било толку фрустрирано од искуството на далечното враќање на училиште, што ја спуштило главата и плачело.
Гледајќи го таков, Комбс знаела дека треба да стори нешто. Затоа, таа го фотографирала момчето и го споделила на Интернет на 17 август, во надеж дека ќе ја подигне свеста за тешкотиите со кои се соочуваат некои ученици затоа што не се на час.
„Само што ја направив таа слика затоа што сакав луѓето да ја видат реалноста“, изјавила Комбс за Си-Ен-Ен. „А, потоа тој ми пријде и се прегрнавме и јас плачев заедно со него“.
Почетокот на учебната година доведе до конфликт меѓу наставниците и родителите поради почетокот на личните часови во средина на пандемијата. Според универзитетот Џон Хопкинс, од вторникот коронавирусот заразил повеќе од 6. милиони луѓе и усмртил над 186.000 низ целата земја.
Повеќето национални училишни системи одлучиле учебната година да ја започнат целосно преку Интернет, но некои наставници ја дочекале во училиштата. Неколку училишта работат со мешавина од двата система.
Некои студии – вклучувајќи го и извештајот објавен во август од Американската академија за педијатрија и Здружението на детски болници – покажаа колку лесно децата можат да го добијат и шират коронавирусот.
Но, некои педијатри предупредуваат и дека учењето на далечина има негативни последици врз основците и на семејствата кои работат, многумина кои немаат грижа за децата.
Комбс за Си-Ен-Ен изјавила дека верува дека децата, вклучувајќи го и нејзиниот син, страдаат без можност да учат лично.
„Образованието е важно за овие деца и не е само што учат дека едно и едно се еднакви на два“, рекла Комбс за Си-Ен-Ен. „Социјализацијата и практичното искуство се како децата во основното училиште најдобро учат“.
Извор: CNN
