Летово треба да се одржи голем Live Aid концерт за помош на Украина и на жртвите од руската агресија. Концертот е планиран да се одржи на 24 јуни на Вембли, како поддршка на украинскиот народ, а извор за The Sun открил дека целта е „да се изврши дополнителен притисок врз Владимир Путин“.
„Ова ќе биде голема работа. Ќе настапат најдобрите музичари популарни низ целиот свет. Тоа е нешто што луѓето сакаа да го направат веќе некое време, но сега ги одредивме времето и местото. Веќе упативме покани за најголемите музички ѕвезди, но свесни сме дека поради набиениот распоред и со толку ненадеен повик, можеби нема сите да дојдат“, вели анонимниот извор.
Кој би можел да настапи
А покани наводно добилер Ролинг Стоунси, U2, Адел, Пол Макартни, Пинк, Ноел Галагер, Флоренс и The Machine и многу други.
“Ние сме оптимисти за овој концерт бидејќи многумина веќе се согласија да настапат. Ова ќе биде одлична можност за бендовите кои се политички активни и имаат антивоен став, како U2, дополнително да ја истакнат ситуацијата во Украина. Ваков голем концерт секако може да изврши дополнителен притисок врз Русите и Путин“, рекол изворот и потоа посочил можен проблем.
„Единствениот проблем може да биде што Live Aid се поклопува со фестивалот во Гластонбери, каде што ќе настапат многу големи имиња“, нагласил тој, а Live Aid наводно ќе личи на оној во 1985 година, кога беа собрани пари за жртвите од глад во Етиопија.
Фото: Мозаик