(Рецепт) Отстранете го каменецот од забите со два домашни рецепти

Отстранувањето на каменецот е важно за здравјето на забите.
Никој од нас не може да го одбегне таложењето на каменец. Го отстрануваме кај стоматолог, но можеме и самите да го спречиме неговото појавување со помош на едноставни домашни рецепти.

Оцет од јаболко
Во филџан ставете оцет од јаболко и во него натопете ја четкичката за заби. Оставете да отстои неколку минути. Со натопената четкичка убаво исчеткајте ги забите, а по потреба четкичката натопете ја во оцетот, уште еднаш. Забите четкајте ги две до три минути. Потоа забите измијте ги со паста и убаво измијте ја усната шуплина.

Алое вера и глицерин
Во соодветен сад измешајте филџан топла вода, половина филџан сода бикарбона, 1 лажица гел од алое вера, 1 лажица сок од лимон (или 10. капки етерично масло од лимон) и 4. лажици растителен глицерин.
Се’ убаво измешајте и истурете во шишенце што се затвора. Со оваа мешавина четкајте ги забите секој ден и потоа кусо исчеткајте ги со обична паста за заби.