Радувајте се – денеска имате посебна причина за тоа!

Денеска се одбележува Меѓународниот ден на среќата. Денеска е ден кога треба да заборавите на сите свои проблеми. Бидејќи 20. март е и официјален почеток на пролетта, тоа е причина повеќе да бидете расположени.
Целта на Денот на среќата е да се зголеми свеста за важноста на потрагата за среќата
и добробитта на светското население, со оглед на тоа дека потрагата за среќа е темелна човечка цел.
Поради тоа се повикуваат сите земји членки и други меѓународни и локални организации да се здружат во промовирањето на наведените цели, и преку своето делување, да упатуваат и ја образуваат јавноста поради подигнување на свеста за важноста на среќата, односно одбележувањето на Меѓународниот ден на среќа.
Идејата за Меѓународниот ден на среќа потекнала од претставниците на кралството Бутан во 2012. година во Обединетите Народи. Таму, во делови од планината Хималаи, која е своевидна колевка на многу квалитетни глобални духовни движења, во седумдесеттите години на минатиот век биле воведени нови мерки на национална благосостојба која не се мерела во материјални богатства туку во чувството на среќа на народот, позната како „бруто национална среќа“.