ekran платформа за слободоумни
Актерката Барбара Виндзор починала на 83-годишна возраст. Ѕвездата на популарната британска серија „Eastenders“ и филмскиот серијал „Carry On“ починала во дом за стари лица во Лондон.
Барбара Виндзор боледувала од Алцхајмерова болест и според нејзиниот сопруг Скот Мичел починала мирно.
На Барбара Виндзор болеста и била дијагностицирана во 2014. година, а од почетокот на оваа година е во дом за стари лица.
„Ќе остане запаметена по љубовта, забавата, пријателството и радоста што ги внесе во нашите животи“, рекол сопругот. Последниот актерски настап го имала во 2016 година во „сапуница“, а истата година од кралицата Елизабета Втора ја добила благородничката титула „дама“.
Откако и била дијагностицирана деменција, актерката станала амбасадор на Алцхајмерова болест. Таа се состанала и со премиерот Борис Џонсон за да им укаже на проблемите со кои се соочуваат лицата со Алцхајмерова болест.
