ekran платформа за слободоумни
Монегашката принцеза Шарлин од средината на ноември е хоспитализирана во приватна болница во Швајцарија, а за време на празниците нејзината средба со седумгодишните близнаци била организирана во најголема тајност.
Ден пред Бадник, ВИП возило се упатило кон швајцарските Алпи со монегашкиот принц Алберт, кој седел во автомобил со седумгодишните близнаци, принцот Жак и принцезата Габриела, а само неколку минути по пладне, насмевката на малечките наследниците не им се симнувала од лицата. Во тој момент им се придружила нивната мајка, 43-годишната принцеза Шарлин, која по пет недели конечно ги прегрнала.
Тоа била и прва средба со нив откако во ноември се вратила од Јужна Африка во Монако по неколкумесечно отсуство, а потоа итно била хоспитализирана поради лошата здравствена состојба.
Бидејќи тоа не била само болест во физичка смисла, туку и тешка исцрпеност, во почетокот, додека терапијата не почнала да дејствува, на Шарлин не и било дозволено да прима посети. Фокусот на целокупниот третман бил да си ги врати силите, а откако и се подобрила состојбата добила можност да ги види децата и сопругот.
Близнаците и подариле на мајка си цртежи кои сами и ги направиле, а потоа заедно ручале, играле, пееле, но заедно имале и молитва. По четири часа дружење, Шарлин со тешко срце морала да се збогува со децата. Новата средба се одржала на 2. јануари, повторно во тајност.
Како што било откриено, Алберт и близнаците се важен дел од нејзиното закрепнување и заедно учествуваат во семејната терапија.
Фото: Архива
