На ден 06.04.2022 година (среда) со почеток во 13.30 часот во фоајето на Националната установа Центар за култура „Трајко Прокопиев” -Куманово ќе биде одбележан 2 Април Светскиот ден на литературата за деца, со настан насловен како „Разговори со Горјан Петревски”. Присутните ќе имаат можност преку разговор со авторот да се запознаат со неговото творештво и воопшто да се истакне важноста и потребата од литература за деца.
Литературата за деца е предизвик за секој автор бидејќи понатака таа овозможува формирање на еден сериозен „читател”, кој ќе ги изразува своите ставови, мислења па дури и самиот ќе твори. Потребата да се оформи идниот читател, да се развие креативноста и имагинацијата, да се негуваат и пренесуваат вредностите е од особено значење. Интерактивниот дијалог помеѓу авторот и присутните, писмата, белешките кои авторот ги поседува и кои се дел од неговите книги ќе бидат достапни на присутните се цел да се истакне процесот на творење.
Горјан Перевски е автор чии книги се вистинско непроценливо богатство.
На настанот се предвидуваат различни активности (читање, цртање и раскажување) во зависност од настанатат состојба и желба на присутните.
Проектот е подржан од Министерство за култура на Република Северна Македонија.