НЕОЧЕКУВАН ГЕСТ – Љубовта е присутна и во најтешките времиња: Војник запросил девојка среде војната во Украина

Министерството за одбрана на Украина на својот официјален Твитер профил објави фотографија од војник како ја запросува својата девојка, која исто така е припадничка на армијата.
Како што информираат од ова министерство, припадниците на 121. Територијална одбранбена бригада на Украина, Јевхен и Лиза, се свршиле среде шума каде извршуваат должности за одбрана на државата.
„Јевхен и Лиза, членови на 121-та бригада за територијална одбрана. Дури и во најголемата војна на 21-от век, има место и време за љубов. Украина е љубов“, се вели во објавата.

Yevhen and Liza, service members of the 121st Territorial Defense Brigade.
Even in the greatest war of the 21st century, there is a place and a time for love.
Ukraine is ❤️ pic.twitter.com/flIZQhK9kY

— Defense of Ukraine (@DefenceU) January 7, 2023

Со оваа свршувачка двојката од Украина покажа дека љубовта е можна и во најтешките времиња, како што е војната. Веста за запросувањето среде агресијата во Украина ги воодушеви луѓето на социјалните мрежи. Многумина испратија коментари на поддршка и љубов и се надеваат на скорешен крај на војната.
Потсетуваме, Русија на 24 февруари започна целосна офанзива, т.н „специјална воена операција за ослободување на Донбас“. Наместо војната во Донбас, војната се прошири на територијата на Украина и трае до денес.

Фото: Принтскрин/Twitter