ekran платформа за слободоумни
На 17 февруари 2024 година (сабота), во 17:30 и 19:30 часот во МНТ, ќе може да уживате во спектакуларната театарска претстава на 5+ Фамилија, насловена „НЕОБИЧЕН ДЕН“.
Детскиот свет е фантастичен, измислен, полн со игри и секојдневно осознавање. Замисли си да имаш временска машина и да патуваш напред и назад во времето. Што мислиш, што е она кое ќе „ги поправи грешките од минатото“ и ќе ја спаси иднината на светот, а се наоѓа токму овде, во сегашноста? Тоа се љубовта и другарството. Нашите веќе одамна блиски 5+ Фамилија: Петко, Лина, Лука, Алек, Цвајштајн, Лиз и Џими, уште еднаш ни потврдуваат дека во тој детски свет не постои нешто што е несовладливо, сè е можно и ништо не ѝ е далечно и непознато на детската имагинација и на детското срце.
Но, понекогаш треба да се отпатува далеку за да се сфати дека сѐ што е потребно е тука, до нас и во нас. Волшебна, неверојатна, возбудлива претстава која ќе ве однесе на едно чудно патување за да сфатиме дека иднината зависи од тоа колку љубов имаме и даваме во сегашноста.
Билети на: https://mnt.mk/online/index.php?id=545 или директно во билетарницата на МНТ
Претставата е наменета за деца над 5 години, а се препорачува за деца од 7 до 12 години.
