ekran платформа за слободоумни
Долго време она што недостасуваше на нашиот пазар беше македонски ситком. Но, и на таквиот недостиг се чини дека му дојде крајот со снимањето на хумористична серија во македонска продукција веќе позната меѓу гледачите како „Преспав“.
Телевизијата од секогаш играла важна улога во животот на човекот. Луѓето сакаат да гледаат работи со кои лесно се поистоветуваат, работи кои ја предизвикуваат нивната љубопитност и ги засмејуваат. Зарем има поголема релаксација од отргнувањето на секојдневните животни случки со 50. минутна добра серија? Покрај релаксацијата, навиките и забавата луѓето во нив гледаат и социјална компонента бидејќи, нели, сериите најдобро се следат во друштво или во кругот на семејството. Живееме во време кога снимањето на телевизиски серии стана голем предизвик, дури и во Холивуд тоа е веќе престиж, па високо-буџетните серијали станаа се’ почести и нудат контраверзни, предизвикувачки содржини со врвна уметничка екипа.
Македонскиот ситком што ја освои младата генерација во Македонија продолжува со нови продолженија. Ликовите кои ни се врежаа во срцата повторно ќе не смеат со нивниот хумор, авантури и интересни реплики оваа ТВ сезона.
