ekran платформа за слободоумни
Макси Џез, пејачот на легендарната британска група Faithless, починал на 65-годишна возраст.
Неговите колеги од групата Faithless ја споделија тажната вест на официјалните профили на бендот на социјалните мрежи и открија дека тој починал во сон.
„Срцето ни е скршено да кажеме дека Макси Џез почина мирно во сон минатата ноќ. Тој беше човек кој ни ги промени животите на толку многу начини. Тој и даде на нашата музика вистинско значење и порака. Тој беше прекрасно човечко суштество со време за сите и мудрост што беше и длабока и достапна“, велат тие.
We are heartbroken to say Maxi Jazz died peacefully in his sleep last night. He was a man who changed our lives in so many ways. He gave proper meaning and a message to our music. He was a lovely human being with time for everyone and wisdom that was both profound and accessible. pic.twitter.com/VcFe7OpTh6
— Faithless (@faithless) December 24, 2022
„Беше чест и секако вистинско задоволство да се работи со него. Тој беше брилијантен текстописец, диџеј, будист, прекрасно присуство на сцената, љубител на автомобили, бескраен говорник, убава личност, морален компас и генијалец. Почивај во мир најмил Макс“, додале подолу.
Тие потоа им се заблагодарија на фановите на групата „за сета љубов што ја покажаа низ годините“ и им рекоа да се грижат еден за друг „за Макс секогаш да зборува“.
Џез беше музичар, рапер, кантавтор и диџеј, а најпознат ангажман му беше токму улогата на пејачот на британската електронска група Faithless. Тој беше дел од бендот од 1995 до 2011 и 2015 година.
Групата Faithless е основана во 1995 година и е најпозната по нивната хит песна „Insomnia“. Тие беа насловно име на некои од најголемите светски фестивали, вклучувајќи го и Гластонбери.
Фото: Принтскрин/YouTube
