ekran платформа за слободоумни
Згрутчувањето на крвта може да значи големи проблеми, особено ако се појават во длабоки вени во близина на вашите мускули.
„Кога згрутчувањето на крвта се формира длабоко во системот, тие можат да бидат болни и опасни“, изјавил д-р Луис Наваро за списанието Men’s Health.
Овој тип на тромб се нарекува венска тромбоза. Тие се како блокатори кои спречуваат проток на крв. И работата може да биде комплицирана ако тромбот се оддели од местото од каде потекнува и патува до белите дробови. Потоа зборуваме за белодробна емболија, која може да ги оштети белите дробови и другите органи и да биде фатална.
Д-р Наваро вели „важно е да се препознаат симптомите на згрутчување на крвта, бидејќи тие можат да се предвидат, а брзото откривање е клучно за успешно лекување“.
Еве ги знаците за кои треба да внимавате.
Оток на еден екстремитет
Отечена нога или рака е еден од најчестите симптоми на згрутчување на крвта. Д-р Наваро објаснува: „Згрутчувањето на крвта може да го блокира здравиот проток на крв во нозете па може да се акумулира зад тромбот и да предизвика оток“.
Болка во нозете или рацете
Згрутчување на крвта обично доаѓа во комбинација со други симптоми како што се оток или црвенило.
„Болката предизвикана од тромб лесно може да се замени со грчеви или истегнување на мускулот, па затоа проблемот останува недијагностициран и е особено опасен“, предупредува д-р Наваро.
Црвенило на кожата
Не можете да видите тромб. Може да забележите промена на кожата како модринка или црвенило. Исто така, местото каде што се јавува промената може да биде топло на допир.
Болка во градите
Можеби ќе помислите на срцев удар поради болка во градите, но тоа всушност може да биде симптом на белодробна емболија.
„Симптомите се слични, но болката при емболијата е остра и прободувачка и најмногу се чувствува со длабок здив“, додава д-р Наваро и советува веднаш да повикате брза помош во овој случај.
