ekran платформа за слободоумни
Таа гордо ја носи титулата најстара жива личност на светот
Кејн Танака, Јапонка, која според Гинисовата книга на рекорди е најстарата жива личност, денес наполни 118 години.
Танака е родена на 2. јануари 1903. година и својот прекрасен ден го прослави во дом за стари лица во Фокуока, Јапонија, каде што живее во последните неколку години.
Таа го прослави својот роденден весело, плескајќи со рацете и не симнувајќи ја насмевката од лицето, а на новинарите им рече дека планира да биде жива и здрава барем до нејзиниот 120-ти роденден.
Таа е во одлична здравствена состојба, вежба секој ден, јаде три пати на ден, а во моментот и е жал само што не може да ги види своите најблиски на нејзиниот роденден, поради мерките за сузбивање на вирусот корона.
Фото: guinnessworldrecords.com
