Фото вест: Забавата на Плоштад Македонија продолжува – прославете ги најголемите христијански празници во одлична атмосфера

Плоштад Македонија е центарот на сите новогодишни и празнични случувања во Скопје, а после неверојатниот дочек на Новата година, публиката е желна за уште повеќе забава и славење. Тимот од Комора на музичка индустрија тоа им го овозможува на најдобар можен начин, со богата музичка програма, најдобри водители и секако, со многу празнични дарувања.

За забавата на првиот ден од Новата година се погрижија Два Бона и Лозано, а 2024 не смее да започне без детска радост, па затоа повторно нѐ посети најдобриот Дедо Мраз со многу други детските маскоти.

Синоќа на сцената блеснаа „златните славјечиња” и со својата детска непосредност изнудија насмевка на сечие лице и ги украдоа сите аплаузи. Исто така, свои настапи имаа и Полина Тасева и и група Мјузаик.

Доколку сѐ уште не сте биле дел од празничната бајка, градот убав Ве кани да бидете негова публика во наредните денови и за најголемите христијански празници.

Забавата на Плоштад Македонија продолжува и понатаму со детската претстава од „Театар за деца и младинци”, со настапите на Теа Трајковска, Дупер и Антониа Гиговска, ДНК, Марјан Коцев и Анета Љумаковска, Ламбе Алабаковски, Миле Кузмановски, Sarah Mace & The Christmas Girls, Аманет, Фиц D’invisibles, Некст Тајм.

Комора на музичка индустрија во соработка со Град Скопје, со спонзорство на Дајмонд Мол, Телеком, Тинекс и Пелистерка подготвија празнична бајка во центарот на Скопје.

Градот убав Ве кани сите да бидете дел од овој магичен празничен базар, заедно да одбројуваме до Новата година и да создаваме спомени.