ekran платформа за слободоумни
Актерот Цесар Евора беше дел од речиси сите мексикански сапуници кои се емитуваа во Македонија.
Кубанскиот актер Цесар Евора беше дел од речиси секоја мексиканска сапуница што се емитуваше во Македонија, а важеше за најголем заводник на теленовелите.
Прво ја воодушеви публиката во серијата „Диво срце“, а потоа и во сапуниците „Гушни ме цврсто“, „Помеѓу љубов и омраза“, „Маќеа“, „Проколната убавица“, „Бура“ и многу други. Ги глумеше Естебан Сан Роман, Дон Федерико Риверо, Октавио Виљареал и беше еден од ретките актери од мексиканските теленовели кои толку многу се истакнаа што дури и го запамтивме неговото вистинско име.
View this post on Instagram
Иако завршил геофизика, неговиот животен пат тргнал во друга насока. Тој сакал да се занимава со истражување на нафта и минерали, додека не решил да се обиде на актерска аудиција, бидејќи од детството сакал да биде пред публиката и сакал да избегне воена служба. Потоа бил избран меѓу 500 кандидати, а набрзо се појавил во десет филмови во Куба.
После тоа, тој се преселил во Мексико со само 42 долари во паричникот. Таму почнал да глуми во сапунски опери, а набрзо станал една од најголемите ѕвезди во оваа земја благодарение на договорот со Televisa, а во 1999 година добива и мексиканско државјанство.
View this post on Instagram
Неговиот емотивен живот исто така отсекогаш ја интригирал јавноста.
Иако бил оженет и ја имал ќерката Карла, кога ја напуштил Хавана, се заљубил во Вивијан Домингез и започнал врска со неа. Така се вратил во Куба за да се разведе, а потоа се вратил во Мексико и ја запросил Вивијан, со која и денес е во брак и има две деца. Цесар Евора не е љубител на социјалните мрежи, па неговите фотографии најчесто може да се најдат само на фан страниците.
View this post on Instagram
Очигледно е дека актерот, за годините (ги има 64) не се променил многу.
View this post on Instagram
Фото: Принтскрин/Instagram
