ekran платформа за слободоумни
Тринаесетгодишно девојче на болна свадбена церемонија на Филипините принудиле да се омажи за 48-годишен маж.
Свадбата се одржала во градот Мамасапано. Вознемирувачките фотографии се доказ за ужасна практика која дозволува девојчињата под принуда да стапуваат во брак. На една од шокантните слики се гледа како маж бакнува дете во образ.
Девојчето-невеста станала петта сопруга на Абдулрзак Ампатуан, а венчавката била извршена според исламските обичаи.
За срамната венчавка, Ампатуан рекол: „Среќен сум што ја најдов и ги поминувам деновите со неа грижејќи се за моите деца“. Тој планира со својата петта сопруга да има деца кога таа ќе наполни 20 години.
Тој додал дека ќе ја испрати на училиште за да биде подготвена да стане мајка.
Во некои делови на Филипините, особено во регионот Минданао со мнозинско муслиманско население, на малолетните девојчиња им е дозволено да се венчаат веднаш штом ќе добијат менструација.
Податоците на Детскиот фонд на ОН (УНИЦЕФ) покажуваат дека земјата досега ја имала 12-ти најголем број на невести девојчиња во светот, 726.000.
Лондонската група „Девојчињата не се невести“ објавил дека ваквите бракови ги нарушуваат правата на девојчињата на здравје, образование и други животни можности.
Извор и фото: mirror.co.uk
