ekran платформа за слободоумни
Сакале ние или не кога се оди на официјална посета посебно кај првите луѓе во државата, ги сакале и почитувале ние нив или не – си има ред кој се нарекува „дрес код“ кон кој мора да се придружуваме. Односно, има едно непишано правило за културно облекување…или култура на облекување…
Колку и да било жешко, Тамара можела да се преслече за официјалното сликање со претседателот Пендаровски а не со маичката на прерамки и очилата за сонце „на гради“ да се претстави како најуспешна македонска претставничка на Евровизија…
Колку и да било жешко, Тамара можела да се преслече за официјалното сликање со претседателот Пендаровски а не со маичката на прерамки и очилата за сонце „на гради“ да се претстави како најуспешна македонска претставничка на Евровизија…
Талентот никој не може да ѝ го земе, но би требало некој да поработи на манирите, доброто однесување и општествените протоколи. Успехот на „Горда“ покажа дека имаме пејачка со која можеме и треба да се гордемее, но имаме и Тамара, која треба да поработи на манирите кога веќе цели високо во општествениот живот.
По евровизискиот успех Тамара и нејзиниот тим беа на прием кај премиерот во Владата. Се појави облечена во комплет со дезен кој за модните експерти е тренд, но за останатите – скапи пижами. Впрочем, и во модниот свет овие пижами се – пижами за дотерување. Тамара ги беше искомбинирала со бежови салонки и дискретен накит. Но, барем беше облечена.
Вчера, пак, Тамара му била гостинка на претседателот на Република Македонија, или Северна Македонија, во неговиот претседателски дом – Вилата Водно. Домаќинот костумосан, гостинската во маичка по прерамки, со очилата заглавени меѓу градите. Како да вртела скара на некој лединка на Водно, па на поминување свратила.
Непристојно и некултурно е да застанеш покрај претседател на држава, во неговата резиденција, во маичка на прерамки со очилата заглавени меѓу градите. Па, Пендаровски не ја пречека во влечки и пењоар, а дома е човекот. Некој требаше да ѝ каже на Тамара дека е непристојно, а некој друг, пак да не ѝ дозволи да влезе во вилата така облечена.
Со изборот на облеката се искажува почит кон институцијата, а тоа сигурно не значи обезличување на личноста, во случајов уметникот. Тамара многупати досега била и убаво и пристојно облечена па поради тоа и изненади со изборот на оваа комбинација комбинација за посета на претседателот на државата.
Впрочем, и ракометарите на „Вардар“ беа кај претседателот Пендаровски но не во дресови и спортски гаќички туку во костуми.
Ред, едноставно мора да има!
Извор: република.мк
Фото: Кабинет на ПРМ, Влада на РМ
