ekran платформа за слободоумни
Најнови информации од Шпанија за состојбата на Надал.
Рафаел Надал инсистирал да продолжи со својот четвртфинален натпревар на Вимблдон против Тејлор Фриц и покрај повредата на стомачниот мускул, а сега наводно сака да оди на теренот за да игра во полуфиналето против Ник Киргиос и покрај скинат мускул.
Угледната шпанска „Марка“ информацијата за состојбата на Надал ја доби ден по четвртфиналниот дуел кој заврши по четири часа и 20 минути игра.
View this post on Instagram
Во споменатиот напис се наведува дека Надал има расцеп од седум милиметри на еден од стомачните мускули, но сепак сака да игра против Кирјиос.
„Марка“ потсетува дека „Бикот од Мајорка“ веќе играше во такви услови во 2009. година, кога на УС Опен го играше полуфиналето против Хуан Мартин дел Потро.
🚨🚨 Confirmada rotura en el abdominal de Rafa Nadal: pese a todo, quiere jugar la semifinal https://t.co/z65RVuwFlw Informa @dimedemi
— MARCA (@marca) July 7, 2022
По победата во четвртфиналето, самиот Надал беше свесен дека има проблем со стомачниот мускул, за што изјави веднаш по завршувањето на петтиот сет.
Сепак, брзо се крена полемика за тоа колку е сериозен проблемот што го има Шпанецот, а еден од скептиците е познатиот тенисер Фабио Фоњини, кој преку социјалната мрежа Инстаграм им порача на своите следбеници да „не веруваат во се што ќе прочитаат“ и дека тој е убеден дека некој што е повреден нема да може да победи на натпревар во траење од четири часа и 20 минути.
View this post on Instagram
Од друга страна, Фриц, кој загуби од вториот носител во полуфиналниот меч, по мечот изјави дека забележал дека Надал навистина има проблем и дека најверојатно успеал да се справи со болката до крајот на мечот.
Фото: Принтскрин/Instagram
