ekran платформа за слободоумни
Актерот Бред Пит ја опишал својата битка со реткото невролошко нарушување и признал дека никој не му верува кога зборува за тоа.
Во интервју за магазинот GQ, Пит открил дека се плаши дека луѓето мислат дека е арогантен, бидејќи има проблеми да ги препознае луѓето и да запомни лица.
„Никој не ми верува! Сакам да запознаам други кои го имаат тоа. Многу луѓе мислат дека сум арогантен и не ми веруваат”, рекол тој.
Актерот верува дека страда од прозопагнозија, а многу луѓе со оваа состојба не можат ни да ги препознаат членовите на семејството, партнерите или пријателите и дека се справуваат со тоа користејќи алтернативни начини за препознавање на луѓето, како што се сеќавање на начинот на кој одат, нивната фризура, глас или облека.
Иако на Бред официјално не му била дијагностицирана оваа болест, тој долго време верувал дека ја има и признал дека се грижи што тоа ги тера луѓето да мислат дека тој е оддалечен или социјално повлечен човек.
Просопагнозија или прозопагнозија (од грчките зборови „prosopon“ = „лице“, „agnosia“ = „не познавање“) е нарушување на перцепцијата на човечкото лице. Кај луѓето со ова нарушување, способноста за препознавање други предмети е релативно непроменета. Се смета дека околу 2,5% од луѓето страдаат од прозопагнозија.
Фото: Архива
