(ФОТО) Серена Вилијамс:„Пребарував на интернет за дечкото и дознав дека има деца од порано…“

Серена открила дека не и е едноставно со бизнисмен, коосновач на интернет страницата Редит бидејќи таа е спортистка, а Алексис е деловен тип и дека се потполно спротивни...
Тенисерката Серена Вилијамс (38) изјавила дека не знаела дека нејзиниот тогашен дечко, а сега сопруг, Алексис  Оханиан (36) има дете од претходниот брак.
„Бевме шест месеци заедно и не знаев многу за него. Користејќи го Гугл дознав дека има дете и бев во шок“, признала Серена.

Двојката се свршила кон крајот на 2016. година, ќерката Олимпија (2) пристигнала во септември 2017., а само два месеци потоа тие се венчале. Во едно интервју за американските медиуми спортистката открила дека не и е едноставно во брак со бизнисменот,коосновач на интернет страницата Редит.

„Јас сум спортистка а тој е деловен тип. Јас сум Афроамериканка а тој е белец. Потполно сме спротивни, но мислам дека се надополнуваме. Напорната работа ни помага да се разбереме на различни начини“, рекла. Додала и дека не мислела дека ќе се омажи за маж кој е „со друга боја на кожата“.

„Никогаш порано не би рекла дека ќе се омажам за белец, но тоа само ви покажува дека љубовта навистина нема ниту боја ниту предрасуди. Едноставно, љубовта е таква што само се случува“, признала тенисерката.