ekran платформа за слободоумни
Кога славната пејачка Селин Дион во јануари се појавила на париската модна недела многумина биле шокирани со нејзиниот изглед. Драстично ослабнала, што ги загрижило нејзините фанови.
Меѓутоа, 51. годишната Селин тврди дека нема причина за грижа. Тврди дека зад губењето на килограмите стои активноста со која се бави: балет.
„Танцот отсекогаш ми бил во крвта. Тоа е мој сон, но доста е тешко“, изјавила пејачката за магазинот People.
Стилистот и танчер,Пепе Муњоз, и помогнал да се врати во форма за интензивните движења кои ги бара танцот.
„Вежбам четири пати неделно. Луѓето велат дека сум слаба, но навистина напорно тренирам. Сакам да бидам во движење, а губењето килограми доаѓа со тоа“, објаснила Дион.
Ако може да и се верува, не станува збор за проблем, туку за жена која ги живее своите соништа.
