ekran платформа за слободоумни
Шестгодишното момче Бриџер Вокер од американскиот град Чејан, во сојузната држава Вајоминг, се прослави откако ја спаси помладата сестра од напад на германски овчар, кој го гризна и му нанесе тешки повреди на главата.
На 9. јули, Бриџер застанал помеѓу неговата сестра и големо куче откако забележал дека животното се насочува кон неа. Кучето го гризнало за образот и му нанело тешки повреди на главата, за кои требало 90 .копчиња за да се затвори раната.
Поминаа повеќе од шест месеци од немилиот настан, а лузните на Бриџер почнаа да бледнеат благодарение на успешното лекување на кое бил по нападот.
View this post on Instagram
Кога слушнале за неговиот храбар чин, лекарите од една болница решиле на момчето да му дадат бесплатен третман, па неговото лице, со помош на ласерско лекување, полека започнало да го добива својот стар сјај.
Мајката на момчето објавила на својот Инстаграм профилот серија фотографии на кои може да се видат резултатите, а момчето изгледа посреќно од кога било.
View this post on Instagram
„Бриџер е голема инспирација во овие тешки времиња. Неговата храброст го заслужува секое признание“, изјави д-р Банусали за „Дејли меил“, кој е дел од тимот лекари кои го лекуваат момчето.
Откако неговата сестра била нападната од куче, момчето не се двоумело и веднаш скокнало да ја заштити и да се справи со бесното куче, кое сериозно го повредило.
View this post on Instagram
Запрашан зошто го сторил тоа, тој рекол:
„Мислев дека ако некој мора да умре, тоа треба да бидам јас.
Фото: Instagram
