ekran платформа за слободоумни
ЕДНА од најпознатите YouTube ѕвезди од светот на убавината и шминката Ники де Јагер, попозната како Ники Туторијалс, на социјалните мрежи откри дека се омажила за својот долгогодишен партнер Дилан Дросаерс.
„Господин и г-ѓа Туторијалс. Едвај чекам да ви ги покажам сите снимки од церемонијата следната недела“, напишала таа.
Ники пред две години објави видео во кое призна дека е родена како маж.
„Денес ќе споделам со вас нешто што отсекогаш сум го сакала, но под мои околности. Изгледа таа можност ми беше одземена, па си ја враќам моќта назад. 2020. година е и сакам да ја започнам оваа година со вистината. Не ми се верува дека го кажувам ова. Родена сум во погрешно тело“, започнала Ники во видеото кое е прегледано 38. милиони пати.
„Снимањето на ова видео е од една страна застрашувачко, а сепак толку ослободувачко. Да, јас сум трансродова, но на крајот на денот јас сум само јас, исто како и вие – сите ние треба да живееме сопствени животи без какви било ограничувања. Ова е да ги инспирира сите мали Ники низ светот да го сторат истото, да ги живеат своите животи онака како што навистина заслужуваат. Јас се борам со моите битки секој ден и знам дека ве има. На овој свет му требаме! Треба да се слушнеме и разбереме едни со други. Без разлика на тежината, бојата на косата, бојата на кожата…“, продолжила таа.
„Кога имав 14 години почнав хормонска терапија. На 19. години процесот на транзиција заврши и конечно станав жена”, открила Ники и додала дека некој и се заканувал дека ќе им открие се на медиумите, па решила да собере храброст и да признае се сама во видеото.
Во 2021. година, Ники беше и една од презентерките на Евросонг, кој тогаш се одржа во Холандија, каде што е родена и каде што сè уште живее.
Фото: Принтскрин/Instagram
