Тинејџер (15), кој бил на роденденско патување со своето семејство на Флорида Киз во САД, преживеал напад од ајкула поради што загубил 70% од крвта во телото.
За неговиот 15-ти роденден, Лукас Круз бил на брод со своето семејство, во близина на архипелагот јужно од Флорида, во Америка, кога ајкула го одвлекла во морето.
Тинејџерот го преживеал нападот и покрај фактот што загубил 70% од крвта, од повредите што ги здобил на нозете, пренесува „Мирор“.
Роденденското патување се претворило во хорор и борба за животот на Лукас, додека неговата мајка и дедо се обидувале да го повлечат назад до бродот, а ајкулата му ги кинела нозете со смртоносни каснувања.
На крајот успеале да го ослободат, но повредите биле катастрофални. Експертите веруваат дека момчето било нападнато од бик ајкула долга околу три метри бидејќи само таа можела да нанесе вакви повреди.
Лукас вели дека е среќен што е жив.
„Мислев дека е брод, но кога погледнав над водата, видов дека нема брод во моја близина“, вели тинејџерот.
Кога успеале да го разделат од ајкулата и да го одвлечат назад кон бродот, крвта била насекаде.
„Многу крварев на бродот. Мислев дека ќе ја изгубам ногата. За среќа, не”, рекол Лукас.
Извор: yahoo/life
Фото: FACEBOOK