ekran платформа за слободоумни
Пафос и Севиља победија на Европските престолнини на паметниот туризам, а Крањ за дестинацијата на извонредноста. Овие градови недвосмислено ја покажаа својата подготвеност кога е во прашање иднината на туризмот.
Европската комисија ги објави овогодинешните победници на натпреварот за европска престолнина на паметниот туризам за 2023 година. Најдобри дестинации за паметен туризам се Пафос и Севилја, а Крањ од Словенија е избран за најдобра европска дестинација за извонредност во 2023 година.
View this post on Instagram
Овие две иницијативи на ЕУ имаат за цел да промовираат дестинации за нивните паметни и одржливи туристички практики. Натпреварот за европска престолнина на паметен туризам препознава извонредни достигнувања во четири специфични категории. Тоа се пристапноста, одржливоста, дигитализацијата како и културното наследство и креативноста.
View this post on Instagram
Европската дестинација за извонредност се однесува на помалите туристички дестинации кои можат да ги покажат своите извонредни достигнувања за одржливост и да инспирираат други туристички дестинации во нивната зелена транзиција. Натпреварите беа отворени за дестинации низ ЕУ, како и за земји кои не се членки на ЕУ кои учествуваат во програмата COSME.
View this post on Instagram
Европските паметни туристички престолнини ќе имаат корист од поддршката за комуникација и брендирање во текот на 2023 година. Дополнително, европската дестинација на извонредност ќе биде позиционирана како пионер на одржливиот туризам посветен на целите на Европскиот зелен план. Во текот на годината, Крањ како најдобра европска дестинација за извонредност во 2023 година ќе добие професионална поддршка за комуникација и брендирање на ниво на ЕУ.
Фото: Принтскрин/Instagram
