Меган Маркл и принцот Хари синоќа се појавија на доделувањето на наградите НААЦП во Лос Анџелес, а им беше врачена специјалната награда „Претседателска“ за посебни достигнувања и исклучителна јавна служба.
Ова е прво заедничко појавување на парот на официјален настан по неколку месеци, па не е ни чудо што сите погледи беа вперени во нив!
View this post on Instagram
„Мислам дека можам да кажам дека моето потекло е сосема различно од она на мојата неверојатна сопруга, но дека нашите животи се поврзани со причина. Ја споделуваме посветеноста на животот во службата, одговорноста во борбата против неправдата и верувањето дека она што најчесто се занемарува е најважното нешто што треба да се слуша“, изјавил Хари по добивањето на наградата.
View this post on Instagram
Парот се качи на сцената во гала издание – Хари избра класичен црн костум, дополнет со бела кошула и машна, но сепак сите погледи ги украла убавата сопруга!
Меган блеснала во елегантно, гламурозно издание кое на вистински начин ја истакнало нејзината убавина и фигура. Таа избрала фустан на едно рамо во кралско сина боја со необичен, впечатлив детаљ – тиркизна наметка која ѝ „лета“ зад грбот.
View this post on Instagram
Оваа креација ја потпишува дизајнерот на луксузни тоалети, Кристофер Џон Роџерс, а ја краси провокативен, а сепак одмерен момент – шлиц кој ги открил извајаните нозе на славната Американка.
Изданието Меган го заокружила со златни сандали со ленти од брендот Aquazzura, нејзиниот омилен бренд кога се обувките во прашање, но и убави детали – големи, златни обетки, нараквица од Картие, како и нараквица од сафир која некогаш и припаѓала на принцезата Дијана.
Фото: Принтскрин/Instagram