Модрите патлиџани се оставен дел од летната кујна и секоја домаќинка си има по некој „таен рецепт“ на подготовка…Освен пржени многумина ги сакаат и полнети а денес ви донесуваме токму таков рецепт…
Состојки:
4 модри патлиџани, секој од по околу 250 г.
400 г мелено месо
200 г домати
200 г кромид
3 чена лук
200 г сирење за рендање (може и биено)
1 врзоп магдонос
100 г лебни трошки
100 мл маслиново масло
сол, црн пипер
Подготовка: исечкајте го кромидот и динстајте на 40 мл маслиново масло, на ниска температура. Во друго тавче на 40 мл масло пропржете го месото, одвојувајте со дрвената лажица да нема грутки, додајте го сечканиот лук и поврзете со кромидот.
Доматите на врвот исечете ги на крст и ставете во врела вода, бланширајте 1 – 2 минути, излупете, исечкајте на коцки, насолете и динстајте уште само 5 минути, па оставете на страна да се изладат.Во изладените домати вмешајте ги лебните трошки.
Модрите патлиџани убаво измијте ги и исечете на 5 – 6 кришки, но не до крај, ставете ги во намрсена тава за печење, помеѓу кришките ставете од филот (месото и доматите), наросете со рендано сирење и печете десетина минути во рерна загреана на 180 степени.
Пред послужување наросете со сечкан магдонос.
![](https://ekran.mk/wp-content/uploads/2017/08/punjeni-patlidzani-660x330.jpg)
(ФОТО) Полнети модри патлиџани
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.