ekran платформа за слободоумни
ЕМИ Бурби имала само 17 години кога косата почнала да и паѓа. На 18. годишна возраст, таа останала целосно ќелава.
„Вашата коса и изглед се едни од најважните работи кога имате 17. години, така што навистина беше поразително да ја изгубам“, открила таа за британски Metro.
Еми страда од сериозен недостаток на железо и и било кажано дека тоа е најверојатно причина за губење на косата. Краткорочните лекови и помогнале да и расте косата, но штом престанала да ги зема, косата повторно ќе почнела да и опаѓа. Неа и била дијагностицирана алопеција. Таа се повлекла во себе и се обидела да избегнува да привлекува внимание кон себе. И’ требало време да одлучи дека оваа состојба нема да ја спречи во ништо.
Таа не им кажала на момчињата со кои излегувала за нејзината алопеција.
„Еднаш му кажав на еден дечко, со кого се чувствував пријатно, за мојата состојба. Се чинеше дека е сосема добро со тоа. Но, после тој состанок, никогаш повеќе не ми се јави”, тврди Ејми.
Тогаш оваа девојка го свртела тоа во своја полза. Таа сфатила дека алопецијата всушност може да и помогне да ги исфрли од живот сите оние кои не го заслужуваат нејзиното време.
Нејзиното сегашно момче Чарли ги сака нејзините перики.
„Вели дека тоа е како да излегуваш со различни жени, но со иста убава личност“, додава Ејми, која води профил на Инстаграм преку кој се обидува да им понуди поддршка на другите заболени од алопеција.
Фото: Принтскрин/Instagram
