(ФОТО) Ништо од разводот: Рајан Рејнолдс открил како успеал да го спаси бракот!

Ѕвездата на филмот „Дедпул 2“, Рајан Рејнолдс (41) веќе пет години е во брак со Блејк Лавли
Иако медиумите неколку пати шпекулирале за нивната брачна криза, славниот пар со појавувањето и блискиот однос секогаш ги демантирал приказните.
Рајан и Блејк имаат две ќерки, едногодишната Инес и тригодишната Џејмс. И покрај бројните обврски околу децата, но и деловните ангажмани, тие двајца имаат едно правило кое ги прави блиски.
„Не дозволуваме нашите распореди да се поклопуваат. Тоа значи дека кога снимам филм, таа во тој период не работи, и обратно“ рекол Рајан за магазинот „People“.
Еден од најсексипилните глумци вели дека презапосленоста не е добра за бракот, но ниту за децата.
„Ние се обидуваме да бидеме многу присутни во животот на своите деца. Доаѓам од големо семејство, како и Блејк и двајцата сакаме да создадеме топла и среќна заедница за нашите деца“.
А, засновувањето на семејство му дало многу подобар поглед на животот:
„Сега е многу подобро. Да имаш семејство значи да престанеш да се грижиш за многу глупави работи и да се фокусираш на сегашниот момент“.