ekran платформа за слободоумни
Бебето од насловната страница на познатиот албум на Нирвана „Nevermind“ од 1991 година сега е возрасен човек кој одлучил да го тужи бендот за сексуална експлоатација.
Имено, човек по име Спенсер Елден тврди дека тој е голото бебе фотографирано во базен, па затоа одлучил да извлече пари од преостанатите живи членови на бендот и наследството на Курт Кобејн, 30. години по објавувањето на албумот.
Според тужбата, Елден тврди дека не можел да даде согласност неговата фотографија да се користи за корицата, бидејќи имал само четири месеци, и додава дека и неговите старатели не дале согласност.
TMZ пишува дека Елден во тужбата наведува дека се работи за детска порнографија и тврди дека бендот ветил дека ќе ги покрие половите органи со налепница. Сепак, тој дел никогаш не бил укомпониран на насловната страница на албумот.
Според судските документи, Елден тврди дека Курт, Дејв Грол и другите не успеале да го заштитат од сексуална експлоатација и дека фотографијата од неговото голо тело на насловната страна има последици.
Тој бара најмал надомест од 150.000 долари од секој член на Нирвана, но тие се уште не се огласиле.
Фото: Принтскрин/Instagram
