ekran платформа за слободоумни
Некои детали од снимањето јавноста успева да дознае благодарение на објавите на социјалните мрежи кои повремено ги објавуваат членовите на филмската екипа…
Холивудскиот глумец Џони Деп (55) кој моментално во Белград, Србија, го снима филмот „Минамата“ во кој ја игра главната улога успешно ги одбегнува новинарите и фото-репортерите. Тајновитоста и максималното ниво на заштитената приватност на глумецот и сите учлесници во проектот дополнително ја зголемува љубопитноста за овој филм.
Некои детали од снимањето јавноста успева да дознае благодарение на објавите на социјалните мрежи кои повремено ги објавуваат членовите на филмската екипа.
Овојпат е забележано како изгледа ликот кој го игра Џони Деп, фоторепортерот Вилијам Јуџин Смит.
Можеме да видиме една од најголемите трансформации на една од најголемите ѕвезди на денешницата. На една фотографија покрај Џони е и познатиот британски глумец Бил Нај.
Со објавените слики, продуцентот на филмот напишал:
„На сетот на филмот ’Минамата’, чија продукција ја работам. Џони Деп го глуми познатиот фото репортер и ја пренесува приказната на неговиот херојски напор да го запре труењето со жива од фабрика во гратчето Минамата во Јапонија. Чувствувам дека е тоа моќна приказна која треба да се раскаже имајќи ги во предвид денешниот свет и многу предизвици кои имаме со животната средина“.
