Не знаеме колку ли само има стории за обичноста на Бил Гејтс, најбогатиот човек на светот. Но, се чини тој со своето однесување покажал дека не сака да се разликува од останатите луѓе, ниту да ги користи привилегиите од своето богатство кое се проценува на повеќе од 100. милијарди долари…
Мајк Галос, поранешен вработен во компанијата „Мајкрософт“, објавил фотографија на која може да се види како Бил Гејтс чека во ред за бургер пред сендвичарница во Сиетл.
„Кога вредиш околу 100.000.000.000 долари, ја водиш најголемата хуманитарна организација во историјата на светот и чекаш во ред за бургер, помфрит и Кола во „Дикс“ како и сите ние… Вака се однесуваат богатите луѓе, за разлика од позерот со златна школка во Белата куќа“, напишал Галос под фотографијата која е споделена 15.000 пати.