(ФОТО) Меган Маркл покажала како изгледа еден месец по породувањето

Меган Маркл сигурно била една од најголемите ѕвезди на свечената поворка која, како и секоја година, е организирана во чест на роденденот на кралицата Елизабета II. Војвотката од Сасекс се појавила првпат во јавност откако пред еден месец го родила и позирала со синчето Арчи. Малечкиот Арчи се родил на 6. мај оваа година, а родителите на јавноста го покажале два дена подоцна на кусо фотографирање во дворецот Виндзор.

Меган, се чини, потполно се опоравила од породувањето. Војвотката седела во кочија со сопругот Хари и војвотките Кејт Мидлтон и Камила Паркер. Друштвото, судејќи според фотографиите водело пријатен разговор, им се насмевнувале на минувачите и им мавтале.

Војвотката носела темно син фустан од Живанши и шешир со иста боја, а обожавателите забележале дека оваа комбинација веќе еднаш ја носела.

Откако парадата завршила, четири генерации од кралското семејство се собрале на балконот на Бакингамската палата, а една од најголемите ѕвезди бил најмладиот син на Кејт и Вилијам, принцот Луис.