(ФОТО) Кралот на хрватските сапуници со неа е 13. години: Врската започнала додека бил во брак, бившата дознала за тоа од медиумите

Прославениот хрватски актер Жарко Радиќ неодамна го прослави својот 72. роденден, но тоа не го спречува да ужива во љубовта со својата млада партнерка Естер Шимек.
Кралот на сапунските опери и убавата русокоса Естер редовно привлекуваат внимание кога се појавуваат заедно во јавноста, а нивната љубовна приказна започнала (барем што се однесува до јавноста) уште во 2009. година, но избегнуваат да зборуваат за својата љубов.

Пред неколку години актерот направил исклучок и за Story.hr открил зошто се заљубил во Естер.
– Не се венчавме. Последниве пет години живееме на релација Сплит – Риека – Загреб, а бидејќи и двајцата имаме многу работа, Естер работи во позната осигурителна компанија, секој слободен момент се трудиме да го поминеме заедно. И двајцата сакаме да патуваме, но претпочитаме поблиски дестинации, како Будимпешта и Рим. Штом фатиме слободно време, ќе смислиме уште нешто друго, изјавил Радиќ, кој на прашањето со што го шармирала неговата избраничка, одговорил:
– Естер е секогаш насмеана и не се лути.

Парот го споил бизнисот, а за нивната врска почнало да се зборува додека тој се уште бил во брак со поранешната сопруга Сњежана. Сњежана и Жарко се венчале на 24. години и поминале 40. години во брак, а имаат и два полнолетни сина Огњен и Ведран.
Жарко отворил салон за убавина во Риека во 2007. година, недалеку од Риека ХНК, каде што го поминувал поголемиот дел од своето време, и ја ангажирал Естер да го води салонот. Се чини дека романсата меѓу нив брзо се разгорела, но иако се пишуваше дека парот живее заедно, актерот, тогаш сè уште во брак, не ги коментирал гласините. Само во една прилика рекол дека е во специфична ситуација.

Тој во 2013. година се развел од сопругата Сњежана, која наводно од медиумите дознала за неговата врска со Естер. Неговата сопруга тогаш не се појавила на суд, па сè оставила на адвокат. И’ по разводот, актерот не зборува за новата врска која се уште трае, наводно поради почит кон поранешната сопруга. Сепак, тој и Естер не се кријат, па фотографите повремено „ги фаќале“ како се шетаат низ градот или како пијат кафе.