ЛИЛБЕТ Дајана, ќерката на принцот Хари и Меган Маркл, е родена на 4. јуни, а веста за нејзиното раѓање ја објавија нејзините родители на нивната официјална веб-страница.
Сепак, нејзиното име беше објавено на веб-страницата на кралското семејство дури денес, седум недели по нејзиното раѓање, пренесува „Стандард“.
Нејзиното име е додадено на официјалната листа поврзана со наследната линија, а се наоѓа и на споменатата страница. Таа е осма на оваа листа, веднаш под нејзиниот брат Арчи.
The the line of succession on the @RoyalFamily website has just been updated to include the Sussexes’ second child: Miss Lilibet Mountbatten-Windsor, who is eighth in line to the throne. She was born on June 4. pic.twitter.com/EUX8DFDBDK
— Omid Scobie (@scobie) July 26, 2021
За овој пропуст со недели се дебатира во Велика Британија, бидејќи веста за раѓањето на братучедите на Лилибет, принцот Џорџ, принцезата Шарлот, принцот Луис, како и нејзиниот брат Арчи, беа објавени на веб-страницата на кралското семејство непосредно по нивното раѓање.
На оваа тема за „Експрес“ зборуваше Даниела Елсер, експерт за прашања од кралското семејство.
– Овој пропуст поврзан со Лилибет може да предизвика нов „земјотрес“ во кралското семејство – рече таа на почетокот на овој месец.
Дел од британската јавност смета дека тоа не е случајна грешка, туку пресметан потег поради тензиите во кралското семејство кои не стивнуваат.
Фото: Принтскрин/Instagram