ekran платформа за слободоумни
Хедер Скетс од Кентаки била во центарот на вниманието на американските медиуми откако го родила своето шесто дете сама, покрај пат, додека другите деца ја гледале од автомобилот.
Таа на својот Фејсбук профил објавила семејна слика, но и напишала за ова необично искуство.
Бидејќи имала три недели од терминот за породување, таа не се грижела и седнала во автомобилот со своите деца за да заврши некои задачи.
„Не мислев дека ќе го држам бебето во раце неколку часа подоцна“, рекла мајката.
Меѓутоа, наеднаш почнале контракциите и таа сфатила дека мора да го запре автомобилот бидејќи наскоро може да се породи.
„Планирав да се породам во вода, дома, како и претходните пати, но не одеше според планот. Буквално се возев во кола со моите деца, кога наеднаш почувствував потреба да застанам. Излегов од автомобилот, се префрлив на другата страна, во тревата и добив бебе. Беше толку брзо! Мислев дека вакви работи се случуваат само во филмовите“, напишала таа.
„По породувањето се вратив во автомобилот кај децата и продолжив да возам до дома. Новороденото бебе сè уште беше врзано за мене со папочна врвца. Дома ме чекаше бабицата, а потоа моравме да ја извадиме тревата од бебето“, напиша на шега мајката.
Фото: Принтскрин/Facebook
