РИТА ОРА била толку очајна да го прослави својот 30-ти роденден во ноември што била подготвена да плати огромна сума за да го оствари тоа и покрај заклучувањето.
Полицијата тврди дека претставник на славната пејачка се јавил во ресторанот „Casa Cruz“ и му понудил на шефот Скоти Бхатараи 5.000 фунти за да обезбеди „пијалоци и грицки“ за забавата, пишува The Sun.
Бидејќи поголемиот дел од неговиот персонал и онака не работел за време на пандемијата, Бхатараи вели дека сакал да ја олесни ситуацијата и дека бил алчен.
Бхатараи, наводно, и рекол на полицијата дека се очекува да пристигнат само седум гости, но до 21. часот по локално време се појавиле скоро 20. лица, вклучувајќи ја и манекенката Кара Делевињ и нејзината сестра Попи.
View this post on Instagram
Во неговата изјава исто така се напоменувало дека гостите, вклучувајќи ја и Ора, носеле свој алкохол и дека нивното обезбедување не сакало да се снима па ги исклучиле камерите.
Бхатараи одби да го именува претставникот кој ја приредил вечерата. Оттогаш е отпуштен.
Сопственикот на „Casa Cruz“, Николас Фалоус, за британскиот таблоид, откако полицијата упаднала на забавата, рекол дека тој не знае за неа бидејќи објектот е „во сопственост на акционери“.
Рита Ора подоцна се извинила и доброволно платила казна од 10.000 фунти.
Фото: Instagram