На 17 февруари (сабота), од 12:30 до 13:45 часот, во Café Literatura (Дајмонд мол), љубителите на музиката и квалитетниот звук ќе имаат можност да уживаат во „ Fame’s unplugged session“, со оригинална оркестарска и музичка содржина, од млади музичари како и истакнати и докажани професионалци од различни земји од Европа.
FAME’S европскиот оркестарски изведувачки институт претставува музички образовен центар којшто е создаден во рамките на компанијата FAME’S која се занимава со професионално снимање и продукција на музика. Организиран во Скопје, центарот претставува уникатна платформа за професионална музичка едукација, размена на искуства и креативност, наменет за млади талентирани инструменталисти од Европа и пред сѐ, во полето на оркестарската музика, како дел од програмата за Пан-Европски културни ентитети (CREA-CULT-2021-PECE).