ekran платформа за слободоумни
По повод 10 години ПРВО ПА ЖЕНСКО фестивал за феминистичка култура и акција, Тиииит! Инк во соработка со Хелсиншкиот граѓански парламент (hCa) од Бања Лука се вклучува во кампањата #AŠtoNeBiMogla со работилниците за деца и млади кои ќе се одржат со реномираната босанска уметница Селма Селман, на 5 јуни 2022 година со почеток од 9 часот во Музеј на современа уметност во Скопје.
Целта на едукативните работилници „За еднаквост во работата со уметницата Селма Селман” е да се поттикнат и мотивираат децата и младите да разговараат за родовата различност, да се поттикне намалувањето на родовиот јаз при уписот во училиште, напредувањето и задржувањето во училиштата на сите нивоа на образование и доживотно учење за девојчиња и момчиња, жени и мажи.
Работилниците ќе се одвиваат во две групи со посебен фокус на извесни теми. Работилницата за деца од 7-14 години ќе ги опфати темите: професии и родови стереотипи, жени лидери во мојата средина, родово базирано насилство. Кон пријавата за оваа група можете да пристапите преку следниот линк: https://docs.google.com/forms/d/11tK08OL24m6uX6zul9IWTWHcJ_RvgFqFb9bLB1bQhSs/edit
Работилницата за и млади од 14-18 години ќе ги опфати темите рамноправност во дигиталниот свет, онлајн дискриминација и родово-одговорен јазик, а секој/а заинтересиран/а може да се пријави на: https://docs.google.com/forms/d/1U3yHm2piILSgxgD9mr0El78L6NTY3EDkJyN8K_AUMXA/edit
Селма Селман е светски призната уметница со ромско потекло, којашто се бави со перформативна и медиумска уметност, и е добитничка на бројни престижни награди. Таа сè уште активно учествува и изложува на различни фестивали.
Ова издание на Прво па женско е поддржано од: Шведска и The Kvinna till Kvinna Foundation, FRIDA | The Young Feminist Fund, Зигрид Раусинг Траст и Министерство за култура.
Наши партнери и соработници за #ППЖ10: Медуза, ПичПрич, Младински Културен Центар, Коалиција Маргини / Coalition Margins (Skopje Pride Weekend), Kontrapunkt (КРИК – фестивал за критичка култура), Helsinki Citizens’ Assembly (HCA), PrivatePrint, и Циник – Центарот за истражување на културана и национализмот.
