Во понеделник, на 11 декември 2023 година, во градската библиотека Браќа Миладиновци во Скопје, со почеток во 19:00 часот, ќе се одржи четвртата дискусија на Форумот за интердискурзивен дијалог „Philosophia Christiana“ која ќе има за цел да го отвори прашањето за хуморот во контекст на минатите и современите културни дебати. При тоа, ќе се осврнеме на редица прашања, меѓу кои и следните: Што воопшто претставува хуморот? Што може да се смета за добар, а што за лош хумор? Што кога хуморот за некого е навредлив? Дали хуморот може да се ограничи, односно во одредени случаи и околности да се забрани? Дали хуморот му е согласен или му е спротивен на христијанскиот начин на живеење? Дали хуморот на Монти Пајтон сѐ уште соблазнува некого? Дали сите сме Шарли?
Говорник ќе биде проф. Ненад Марковиќ од Правниот факултет, а соговорници ќе бидат проф. д-р Владимир Петрушевски од Природно-математичкиот факултет и доц. д-р Бобан Карапејовски од Филолошкиот факултет.
Настанот е од отворен карактер.